20 қараша күні Кабулда кешке әуежай маңында жарылыс болып, 50-ден астам адам қаза тапты. Ауғанстанның дін ғалымдары жиналған банкет залында жанкешті өзін жарып жіберді. Ауғанстан Ішкі істер министрлігінің өкілі жарылыстан 80-нен астам адам жараланғанын хабарлады.
Банкет залы Кабул әуежайы маңындағы қонақүй кешендерінің бірінде орналасқан.
Азаттық радиосының хабарлауынша, қонақүй кешеніне исламды зерттеп, діни ағартушылықты насихаттайтын жүздеген адам студенттермен бірге мәдениет фестивалі аясында дәстүрлі Құран оқу шарасына жиналған.
