Иракта 5 тәжікстандық өмір бақиға сотталды

0
83

Ирак соты 5 Тәжікстан азаматын «Ислам мемлекеті террористік ұйымының (IG) мүшесі» деп айыптап, өмір бойы бас бостандығынан айырды.

Өмір бойына бас бостандығынан айырылғандар – Исфара қаласының, Фархор облысының және Абдурахмана Джами облысында туылған әйелдер. Тәжік дипломатының айтуынша, Ирак соты Саурат Құрбоноваға, Маптага Меджидоваға, Гүлрухсор Әлиеваға, Гүлбахор Сайфиллоева мен оның қызы Махфуза Курбоноваға қатысты үкім бейсенбі күні шығарылған. Сот ғимаратында Ирактағы Тәжікстан Елшілігінің өкілі де болды.

Ирак соты лаңкестік ұйыммен қатысы бар деген айыппен қамауға алынған Өзбекстан азаматы Максуда Джахбароваға өзбек тілінен аудармашы таба алмауына байланысты сотты кейінге қалдырды.

Ресми деректерге сай, Тәжікстанның 43 азаматы лаңкестік ұйыммен байланысы бар деген күдікпен қамауға алынып 16 жылдан бастап өмір бойына бас бостандығынан айырылған.

Тәжікстан билігі көптеген тәжік әйелдері жолдастарының күштеуімен Сирия мен Иракқа аттанғанын мәлімдеген. Ресми деректерге сай 1900-ден астам тәжік азаматы лаңкестік ұйым өкіліне айналған. Бүгінде 400-ден астам тәжік әйелдері мен балалары Таяу Шығыста.

Сирия мен Ирактың көптеген қалалары лаңкестік ұйымдардың қолынан алынған уақыттан бастап әйелдер мен балалар Ирак түрмелерінде және Сириядағы БҰҰ босқындар лагерінде.

ЖАУАП ҚАЛДЫРУ

Пікіріңізді енгізіңіз!
Мұнда аты-жөніңізді енгізіңіз