Коронавирустан емделген Ресей премьер-министрі қызметіне оралды

0
32
Ресей прьемер-министрі Михаил Мишустин. Photo: TASS

Ресей премьер-министрі Михаил Мишустин COVID-19 дертінен емделіп қызметіне оралды. Президент Владимир Путиннің жарлығы Кремль сайтында жарияланды.

Сәуір айының соңында премьер-министрден коронавирус табылып, Мишустин 30 сәуірден бастап емделуге кеткен болатын. Оның міндетін вице-премьер Александр Белоусов уақытша атқарған.

Мишустин ауруханада емделіп жатып, бірнеше рет жиын өткізген. Алайда оның міндетін орынбасары уақытша атқарғандықтан жиынға кім ретінде қатысқаны белгісіз.

Мишустиннен бөлек, үкіметте құрылыс министрі Владимир Якушев (ол қазір әлі емделіп жатыр), мәдениет министрі Ольга Любимова және ғылым және жоғары білім министрі Валерий Фальковтан коронавирус инфекциясы табылған. Бұған қоса, Путиннің баспасөз хатшысы Дмитрий Песков пен госдуманың бірнеше депутаты COVID-19 ауруына шалдыққан.

ЖАУАП ҚАЛДЫРУ

Пікіріңізді енгізіңіз!
Мұнда аты-жөніңізді енгізіңіз