Лос-Анжелесте Marvel комиксінің авторы, жазушы Стэн Ли 95 жасында қайтыс болды. Бұл туралы TMZ басылымы хабарлады.
Ли Седарс-Синай медициналық орталығында қайтыс болды, оны үйінен жедел жәрдем алып кеткен. “Әкем барлық жанкүйерін жақсы көрді, ол ұлы, иманды адам еді”, – дейді қызы.
Былтыр Лидің денсаулығы сыр берген. Ол пневмонияға шалдығып, көру қабілетіне байланысты қиындықтар болған. Басылымда жазылған ақпарат бойынша, оның әйелі Джоан 2017 жылы 69 жасында қайтыс болған.
Стэн Ли – Marvel Comics компаниясының бұрынғы президенті және директорлар кеңесінің төрағасы. Басқа суретшілермен бірге ол Spider-Man, Hulk, Doctor Strange, Iron Man, Daredevil, Thor, X-Men және басқа да көркем кейіпкерлерді ойлап тапқан. Ол шығармашылық жолын 1961 жылы Джеко Кербмен Fantastic Four тобының кейіпкерлерін ойлап табудан бастаған. Айта кету керек, Стэн Ли барлық Marvel фильм эпизодтарында ойнаған.
Tengrinews.kz ақпараты бойынша, Ли мен Marvel-дің қарым қатынасы компания Голливудты жаулап алуға кіріскеннен кейін нашарлай бастаған. Ол тіпті 2002 жылы Spider-Man фильмінің бірінші бөлігі үшін алған гонорарына байланысты сотқа шағымданған. Ал үш жылдан кейін ол істі жеңіп, 10 миллион доллар алды. Spider-Man: Far From Home – келесі жылы шығатын фильм франшизасының соңғы нұсқасы.
