Білім және ғылым министрлігінің жауапты хатшысы ауысты

0
104
Білім және ғылым министрлігінің жаңа жауапты хатшысы Қанат Сәрсембаев.

Президент Тоқаев Білім және ғылым министрлігінің жауапты хатшысы Арын Өрсариевті қызметінен босатты. Бұл туралы Ақорда сайты хабарлады. 

Білім және ғылым министрлігінің жауапты хатшысы қызметіне Қанат Сәрсембаев тағайындалды. Ол бұған дейін Солтүстік Қазақстан облысы әкімі аппаратының жетекшісі болып істеген.

Әл-Фараби атындағы Қазақ ұлттық университетінде “халықаралық құқық” мамандығы бойынша білім алған.

Білім министрлігіндегі жанжал

Министрлік қызметкері Анар Қайырбекова Арын Өрсариев пен басқа да әріптестері құжаттарға қол қою кезінде оған қысым жасағанын мәлімдеді. Айтуынша, серверлерді көшіруге 48 миллион теңге бөлінген, бірақ қызмет көрсетуші бұл жұмысты орындамаған.

Ал Өрсариевтің мәлімдеуінше, өткен жылдың желтоқсанында серверлік қондырғыларды көшіру және техникалық қызмет көрсету бойынша мемлекеттік сатып алу өткізілген. Тиісті құжаттар бар, ден сендірді ол.

Министрлік қызметкерлер арасындағы даудың соңғы 4-5 айға созылып кеткенін хабарлады.

Осы аптада мәжіліс төрағасы Нұрлан Нығматулин әлі күнге дейін жас мамандарға арналған бағдарламаның жұмыс істемей тұрғанын айтып, министрлік шенеуніктерін сынға алған еді.

Өрсариевтің не себепті қызметінен кеткені айтылған жоқ.

 

ЖАУАП ҚАЛДЫРУ

Пікіріңізді енгізіңіз!
Мұнда аты-жөніңізді енгізіңіз