Еліміз бойынша жоғары еңбекақы «Мұнай-газ ісі» мамандығында тіркелген. Бұл мамдықтық бойынша орташа еңбекақы 250 000 теңге. Ал, ең төменгі еңбекақы – «Биотехнология» мамандығын тәмамдаған түлектер үлесінде. Болашақ биотехнологтардың орташа еңбекақысы 70 000 теңгені көрсеткен.
Бұл туралы бүгін Орталық коммуникациялар қызметінде Қазақстан Республикасының жоғары оқу орындарындағы білім беру бағдарламасы рейтингінің бірінші кезең нәтижелеріне арналған баспасөз-мәжілісінде сөз болды. Жиында сөз алғандар қатарында ҚР Білім және ғылым вице-министрі Талғат Ешенқұлов, «Атамекен» ҚР ҰКП басқарушы директоры Олжас Ордабаев және құрылыс саласы бойынша эксперт Әлібек Марданов бар.
