Алматыда Құрманғазы мен Байсейітова көшелерінің қиылысында даңқты мәнерлеп сырғанаушы Денис Теннің құрметіне ескерткіш орнатылады.
Tengrinews.kz жазғандай жобаны іске асырумен қалалық әкімдік айналысқан. Отбасымен бірге арнайы комиссия құрылып, кәсіби мүсіншілердің арасында байқау ұйымдастырылады. Өз кезегінде ҚР Мәдениет және спорт министрлігі Денис Теннің атына мәнерлеп сырғанау академиясын ашуды жоспарлап отыр. Сонымен қатар, арнайы қоғамдық қордың тіркелу жұмысы жүріп жатыр.
Алматы қаласы әкімдігі Денис Тенді еске алу үшін жыл сайын мәнерлеп сырғанаудан Халықаралық турнир өткізу міндетін алғандығын хабарлады.
