6 мамыр Қасиетті Рамазан айының алғашқы күні. Ақшам уақыты жақындағанда Нұр- Астана мешітіне жиналған қала тұрғындарының алғашқы күндегі әсерімен бөлісіп қайтқан болатынбыз.
Ауызашар жақындағанда (Суреттер сөйлейді)
Нұр Астана мешітіне қала халқы екінті уақытынан жинала бастады. Намазын аяқтап, бірі кітап оқыса бірі уағыз тыңдауға көшті.
Кейбірі ауа райының қолайлы екендігін айтып, бірінші күннің тез өте шыққанын жасырмады. Жаңадан ораза ұстаған тұрғындар судан сәл қиналғандығын жеткізді.
Мешіт жанында 400 адамға арналған арнайы шатыр құрылған. Ауыз бекіткен әрбір адам мешіт қызметкерлерінің ұсынған арнайы талонын алу арқылы тегін кіріп ауызашар дастарханына қонақ бола алады.
Айта кетейік, мұсылмандардың ұлық мерекесі Рамазан айы 4 маусымда аяқталады.
