Сенат төрағасы имамдардың жалақысын көбейтуді қолға алмақ

0
36
Бас мүфти Серікбай қажы Ораз бен ҚР Парламенті Сенатының Төрағасы Дариға Назарбаева. Photo: senate.parlam.kz

Қазақстан мұсылмандары діни басқармасының төрағасы Серікбай қажы Ораз Парламент Сенатының Төрағасы Дариға Назарбаевамен кездесті. Бұл туралы ҚМДБ баспасөз қызметі хабарлады.

Кездесуде 18 қыркүйекте өтетін Әлемдік және дәстүрлі діндер лидерлері Съезі Хатшылығының XVIII отырысына дайындық сөз болған. 

Мүфият хабарлағандай, Сенат төрағасы діни форумның маңызына тоқтала келіп, ұлтаралық және дінаралық үйлесімді сақтау және оны нығайту қажеттігін атап өтті.

Кездесу барысында имамдардар жалақысының төмендігі, білікті кадрлар даярлау жайы да талқыланды. Бас мүфти биылғы жылы бір жарым мыңнан астам теолог даярланғанын, алайда олардың 800-і еңбекақының төмендігіне байланысты мамандығы бойынша жұмыс істемейтіндігін айтты. Серікбай қажы Ораз осы мәселені шешуге жәрдемдесу туралы өтінішін жеткізді. Төраға бұл мәселе заң шығарушылар назарына ұсынылып, талқыға салынатын хабарлады.

Бас мүфти Нұр-Сұлтан қаласында ІІІ республикалық имамдар форумы өтетіні жайлы баяндап, игі шараның маңыздылығына тоқталды. Сондай-ақ, Нұр-Сұлтан қаласында “Хасеки” университетінің филиалы құрылып, онда теолог-магистранттар даярланатынын жеткізді. Дариға Назарбаева бұл шешімнің маңыздылығына назар аударды.

Кездесу барысында Қазақстандағы діни мамандар тізілімі мен мұсылмандарды жерлеудің бірыңғай стандартын жасау, халыққа түсіндіру жұмыстарын жүргізу, сондай-ақ ҚМДБ жұмысында сандық технологияларды енгізу мәселелері де сөз болды.

ЖАУАП ҚАЛДЫРУ

Пікіріңізді енгізіңіз!
Мұнда аты-жөніңізді енгізіңіз