Коронавирус пандемиясына байланысты шетелден Қазақстанға кіру туралы ереже 6 қазан күні күшіне енгеннен кейін, екі күнде елге ұшып келген 893 азамат карантинге жіберілді. Бұл туралы liter.kz сайты хабарлады.
“6 қазаннан бастап халықаралық рейстердің орындалуына жаңа талаптар енгізілді. 6-7 қазан күндері COVID-19 ПТР сертификатынсыз келген 893 Қазақстан азаматы екі күндік карантинге жіберілді” – деді, транспорт бойынша мемлекеттің бас санитар дәрігері Сәдуақас Байғабылов.
Кейінгі екі күнде шетелден келген 2925 адамда ПЦР тест нәтижесі бар, ол жалпы келгендердің 70%-ы. Жолаушылар Нұр-Сұлтан, Алматы, Шымкент, Ақтау, Ақтөбе, Атырау және Орал қалаларына ұшып келді.
6 қазан күні күшіне енген ереже бойынша, шетелдік азаматтар халықаралық әуежайларда ПТР тестінің нәтижесін көрсетуге міндетті, ал ел азаматтары үшін ПТР тесті болмаған жағдайда екі күндік стационарда қалып, тест тапсырады.
