Отандық режиссер Ақан Сатаев «Томирис» кинокартинасында аталған бас кейіпкердің рөлін сомдайтын актрисаны таныстырды.
@akansatayev
Сатаев өзінің әлеуметтік желідегі парақшасында «Томиристің» рөлін сомдайтын актриса Альмира Тұрсынды таныстырғым келеді деп жазады.
Режиссердің айтуынша, басты рөлді сомдаушы актрисаны Instagram желісі арқылы тапқан. Кастинг-директордың хабарласуымен, А. Тұрсын Астанада өткен іріктеу сынына келген, кейіннен қыркүйекте іріктеудің екінші кезеңінен өтіп, шынықтыру лагеріне жіберілген.
@akansatayev
Ал желтоқсанда басты рөлді сомдаушы болып Бас продюсер Әлия Назарбаева және режиссер Ақан Сатаевтың бекітуімен Альмира Тұрсын таңдап алынған. Режиссердің айтуынша, бұл А. Тұрсынның кинодағы алғашқы дебюты.
@akansatayev
Атап өтерлігі, өткен жылдың мамыр айында Мәдениет министрлігінің тапсырысы бойынша «Қазақфильм» киностудиясы «Sataifilm» компаниясымен бірлесіп «Томирис» ірі масштабтағы көркем фильмін түсіретіндерін айқын етті.
