18 желтоқсан күні Астанадағы Бейбітшілік және келісім сарайында Гиннес рекордтар кітабына енген «Notre Dame de Paris» мюзиклі қазақ тілінде қойылды.
«Notre Dame de Paris» мюзиклі – әлемде Гиннестің рекордтар кітабына енген озық туындылардың бірі. Дүниежүзі бойынша 11 миллионнан астам көрермен тамашалап үлгерген мюзикл әлемнің тоғыз тіліне аударылған. Қазақстан атақты мюзиклді өзінің мемлекеттік тіліне аударған оныншы ел. Сахнада ХХ ғасырдың үздік әндері атанған «Belle», «Danse monesmeralda», «Le Temps des Cathedrales» өлеңдері қазақ тілінде орындалды.
