29 шілде күні Қазақстанның бірнеше өңірінде ауа райына байланысты ескерту жарияланды.
Синоптиктердің болжамы бойынша бүгін Қазақстанның төрт облысында найзағай ойнап, бұршақ жаууы мүмкін.
29 шілдеде Қостанай облысының кей жерлерінде найзағай ойнап, бұршақ жаууы мүмкін. Жел алдымен оңтүстік-батыстан, артынша солтүстік-батыстан соғады, оның жылдамдығы кей жерлерде түнде 15-20 м/с, күндіз 15-20 м/с болып, екпіні 23 м/с-қа дейін жетуі ықтимал. Қостанай қаласында 29 шілдеде найзағай жарқылдайды. Жел оңтүстік-батыстан, солтүстік-батыстан соғады, жылдамдығы күндіз 15-20 м/с айналасында болады.
29 шілде күні таңертең және күндіз Түркістан облысының кей жерлерінде найзағай ойнайды, дауыл тұруы мүмкін. Кей жерлерде шаңды дауыл соғады, жел алдымен оңтүстік-батыстан, артынша солтүстік-батыстын соғады, жылдамдығы 15-20 м/с, күндіз екпіні 23 м/с-қа жетеді. Шымкентте 29 шілде күні таңертең және күндіз жел оңтүстік-батыстан, солтүстік-батыстан 15-20 м/с жылдамдықпен соғады.
29 шілдеде Ақмола облысының кей жерлерінде найзағай ойнайды. Дауыл тұрып, бұршақ жаууы ықтимал. Жел оңтүстіктен, оңтүстік-батыстан соғады, жылдамдығы – түнде кей жерлерде, күндіз облыстың басым бөлігінде 15-20 м/с. Көкшетауда таңертең және күндіз найзағай ойнауы мүмкін. Жел оңтүстіктен, оңтүстік-батыстан соғады, күндіз екпіні 15-20 м/с-қа жетуі мүмкін.
29 шілдеде Қызылорда облысының кей жерлерінде найзағай ойнап, дауыл тұрады, шаңды дауыл болуы мүмкін. Жел батыстан соғады, түнде кей жерлерде жылдамдығы 15-20 м/с, күндіз 15-20 м/с, кей жерлерде 25 м/с-қа жетуі мүмкін.
