Оралдық шекарашылар 200 млн теңге шамасындағы контрабанданың жолын кесті. Бұл туралы ҚР ҰҚК ШҚ баспасөз қызметі хабарлады.
“Орал шекара отрядының “Сырым-авто” бөлімшесінде шекарашылар Ресейге ірі көлемде контрабандалық жүк өткізбек болған 49 жастағы Өзбекстан азаматын ұстады. Ұсталған азамат “Орал — Самара” бағытындағы жолаушылар автобусымен үлкен шабаданда 148 дана, жаңадан кесілген киік мүйізін алып өтпек болған”, делінген хабарламада.
