Тоқаев бюджет қызметкерлерінің еңбекақысын бір ай ерте көтеруді міндеттеді

Президент Қасым-Жомарт Тоқаев өзінің Twitter парақшасында Үкіметке бюджет саласындағы жалақысы төмен қызметкерлердің еңбекақысын көтеруді 1 шілдеден емес, 1 маусымнан бастау туралы тапсырма бергенін хабарлады. Оның айтуынша бұл шешім бір миллионнан астам азаматтық және мемлекеттік қызметкерлердің жағдайының жақсаруына тікелей әсер етеді.

Үкіметке бюджет саласындағы жалақысы төмен қызметшілердің жалақысын көтеруді 1 шілдеден емес, 1 маусымнан бастау туралы тапсырма бердім. Бұл шешім бір миллионнан астам азаматтық және мемлекеттік қызметшілердің жағдайының жақсаруына тікелей әсер етеді.

— Qasym-Jomart Toqayev (@TokayevKZ) March 22, 2019

27 ақпан Астанада “Нұр Отан” партиясының кезекті съезі барысында ҚР тұңғыш президенті Нұрсұлтан Назарбаев бюджет саласында аз еңбекақы алатын азаматтардың еңбекақысын 30 %-ға көтеруді, ал атқарушы органдардың аз еңбекақы алатын азаматтарының жалақысын орта есеппен 25 %-ға көтеруді міндеттеді. Бюджет қызметкерлерінің еңбекақысын көтеруге 980 млрд теңге бөлінді.