Microsoft пен Sony болашақта онлайн-ойын-сауық және компьютерлік ойындар саласында бірлескен жобаларды құру туралы келісімге қол қойды.
Sony басшысы Кенисиро Есида мен Microsoft басшысы Сатья Наделла өзара түсіністік туралы Меморандумға қол қойды. Корпорацияның екі бәсекелес бөлімшесі — Microsoft Xbox және Sony PlayStation — стриминг саласында ынтымақтастық орнатады.
“Тараптар қол қойған өзара түсіністік туралы меморандумға сәйкес, екі компания да Microsoft Azure-де өздерінің ойындары мен ағын қызметтерін қолдау үшін болашақ бұлтты шешімдерді бірлесіп әзірлеуді жоспарлап отыр. Сонымен қатар, екі компания да Sony ойын және ағын сервистері үшін Microsoft Azure деректерді өңдеу орталықтары негізінде ағымдағы шешімдерді пайдалану мүмкіндігін зерттейтін болады”, — делінген Microsoft-тың хабарламасында.
Sony Microsoft Azure бұлтты платформасын ойындарды және мультимедиалық өнімдерді ағынмен жіберу үшін пайдаланады. Бұдан басқа, жақсартылған әзірлеу құралдарын, шығармашылық және контентті өндіруге арналған құралдарды құру жарияланды.
7kun.kz хабарлағандай, ынтымақтастық туралы Меморандумның басым бөлігі басқа бірқатар салаларда бірлескен жұмыс жоспарлары туралы ақпаратты қамтиды. Атап айтсақ, жасанды интеллект әзірлемелерінде, жартылай өткізгіш құрылғыларды, жарық сезгіш матрицаларды өндіруде. Бұл қызмет бағыттарының бірі — Azure AI өнімдеріндегі Sony жоғары технологиялық камераларын пайдалану.
