Асқар Мамин Қазақстанда 5G енгізу мәселелері бойынша кеңес өткізді

0
13

21 мамырда премьер-министр Асқар Мамин Қазақстанда 5G енгізу мәселелері бойынша кеңес өткізді. Кеңес барысында сандық экономика мен интернетті дамыту мүмкіндіктерін кеңейту мен жаңа технологияны енгізудің әсері талқыланды,деп хабарлайды ҚР премьер-Министрінің баспасөз қызметі.

Үкімет басшысына берілетін деректер ағынының жылдамдығы мен өткізу қабілетінің артуы телемедицинаны дамыту, Smart City компоненттерін енгізу, халықтың қауіпсіздігін қамтамасыз ету бойынша жұмыстың тиімділігін арттыру және т. б. бөлігінде ТКШ, ауыл шаруашылығы, өнеркәсіп, денсаулық сақтау салаларындағы жобаларды іске асыруға елеулі серпін беретіндігі баяндалды.

ҚР цифрлық даму, Қорғаныс және аэроғарыш өнеркәсібі министрлігінің мәліметтері бойынша, Қазақстан АҚШ-пен, Оңтүстік Кореямен, Швейцариямен, Эстониямен қатар әлемнің алғашқы  ондығына кіреді.

Елдің 5G құру үшін инфрақұрылым  жөніндегі жұмыстар шеңберінде ағымдағы жылдың соңына дейін Нұр-сұлтан, Алматы, Шымкент қалаларында пилоттық жобаны іске асыру жоспарлануда. Жалпы, 5G байланыс желісімен 50 мыңнан астам адам тұратын барлық елді мекендер қамтылады деп күтілуде.

Талқылау қорытындысы бойынша Премьер-министр Қазақстанда  5G енгізу жөніндегі іс-шаралар жоспарын әзірлеуді тапсырды.

Кеңеске ҚР цифрлық даму, Қорғаныс және аэроғарыш өнеркәсібі, ҚР Индустрия және инфрақұрылымдық даму министрлері Р. Скляр, “Қазақтелеком” АҚ Басқарма төрағасы Қ. Есекеев және басқалар қатысты.

 

ЖАУАП ҚАЛДЫРУ

Пікіріңізді енгізіңіз!
Мұнда аты-жөніңізді енгізіңіз