«Нұр Әлем» сферасында Астана тұрғындары мен қонақтары үшін әлемнің түкпір-түкпірінен келген өнерпаз роботтар өнер көрсетеді.
Елордалықтар 7 тамыздан бастап 26 қыркүйекке дейін жалғасатын роботтар балын «Нұр Әлем» павильонында сағат 10:00 – ден 20:00 – ге дейін тамашалай алады.
Америка, Еуропа, Оңтүстік Корея және Жапония сынды елдерден әкелінген роботтар қонақтармен әңгіме дүкен құрып, ойын ойнап, билейді. Сондай-ақ, роботтар бал кешінің басты қонағы – Ұлыбританиядан келген Теспиан роботы.
Күліп-жылай алатын робот қонақтармен әңгімелесіп қана қоймай, Шекспирдің шығармаларын оқи алады. Ұйымдастырушылардың айтуынша, өнерпаз робот театрландырылған қойылымдарға да қатысып үлгерген.
