Қазіргі қоғамда волонтерлік қызмет тек көмек көрсету ғана емес, сонымен қатар жеке даму мен кәсібінді анықтаудың маңызды жолы. Волонтерлікке қатысу арқылы жастар өз қабілеттерін байқап, жауапкершілік пен белсенділікке үйренеді.
Волонтерлік қызмет барысында уақытты тиімді жоспарлау, командамен жұмыс істеу және адамдармен дұрыс қарым-қатынас орнату сияқты дағдылар қалыптасады. Бұл қабілеттер кез келген мамандықта қажет және болашақта еңбек нарығында үлкен артықшылық береді.
Сонымен қатар, волонтерлік түрлі салалармен жақын танысуға мүмкіндік береді. Әлеуметтік жобалар,экологиялық бастамалар, медиа немесе білім беру бағыттарындағы жұмыстар жастардың қызығушылығын арттырып, болашақ мамандықты саналы түрде таңдауға көмектеседі. Практикалық тәжірибе арқылы алынған түсінік теориядан әлдеқайда тиімді.
Волонтерлік қызмет коммуникациялық дағдыларды дамытып қана қоймай, көшбасшылық қасиеттерді де қалыптастырады. Әртүрлі адамдармен жұмыс істеу, мәселелерді бірге шешу және ортақ мақсатқа ұмтылу – өмірде аса маңызды дағды.
Қорытындылай келе, волонтерлік – жастар үшін қоғамға пайда келтірумен қатар, болашақ мамандыққа дайындалудың алғашқы әрі маңызды қадамы. Мұндай тәжірибе адамның кәсіби дамуына берік негіз қалыптастырады және өз жолын сенімді таңдауға көмектеседі.
Алуа Авчкур
10 “А” сынып оқушысы
