Қазақстан астанасына шетелден ұшып келген ПТР анықтамасы жоқ 108 жолаушы карантинге жіберілді. Бұл туралы Назарбаев әуежайының баспасөз қызметі хабарлады.
26 қазанға қараған түні Нұр-Сұлтан әуежайына Air Astana, Turkish Airlines, Belavia, Flydubai әуе компанияларының 6 ұшағы қонған.
“Барлығы 722 жолаушы ұшып келді. Олардың 108-інде ПТР-тест болған жоқ. Жолаушылар карантинге жіберілді. Олар ПТР-тест тапсырғаннан кейін үйіне қайтады. Тест нәтижесінде вирус анықталса стационарға жатады”, – делінген хабарламада.
