Токио олимпиадасының өтетін уақыты белгіленді

0
244
Photo: ҚР Ұлттық Олимпиада комитеті-Данияр Майлыбаев

30 наурыз күні Халықаралық олимпиада комитетінің жиынында Токио олимпиадасы 2021 жылы 23 шілде – 8 тамыз арасында өтетіні туралы шешім қабылданды.

Олимпиада ойындары 2021 жылы өтсе де Токио-2020 деп атала бермек. Паралимпиада ойындары 24 тамыз – 5 қыркүйекте болады.

Биылға жоспарланған Токио олимпиадасы коронавирус пандемиясына байланысты 2021 жылға шегерілген.

Бұған дейін Канада, Австралия, Ұлыбритания ХОК-тан олимпиаданы кейінге шегеруді талап еткен. Олар Токио ойындары 24 шілдеде басталса спортшыларын жібермейтінін хабарлаған.

Токио олимпиадасы 24 шілде – 9 тамыз арасына жоспарланған болатын. Олимпиада ойындары бұған дейін тек соғыс кезінде өтпей қалған еді.

Әлемде Covid-19 коронавирусы 723 мыңнан астам адамға жұқты. Қаза болғандар 34 мыңнан асты. Вирус 190-нан астам елге тарады. 151 мыңнан астам адам дертінен айықты.

ЖАУАП ҚАЛДЫРУ

Пікіріңізді енгізіңіз!
Мұнда аты-жөніңізді енгізіңіз