Бүгін ҚР Мемлекеттiк кеңесшісі Ерлан Тынымбайұлы «Білім-инновация» Халықаралық қорының басшысы Дархан Ермаханұлын қабылдап, БИЛ мектептерінің 30 жылдық мерейтойымен құттықтады, деп хабарлайды kazaknews.kz.
Қор басшысының айтуынша, кездесуде БИЛ мектептерінің 30 жылдығы аясында біршама тың ойлар талқыланған.
«Ерлан мырза БИЛ мектептерінің 30 жылдық мерейтойымен құттықтап, алдағы стратегиялық және даму жоспарларымен танысты. Білім мекемелерінің жүзеге асырып отырған “Құндылықтарға негізделген білім беру” жобасына қызығушылық танытып, оң бағасын беріп, сәттілік тіледі», – деді Дархан Өте.
