Қазақстанның білім және ғылым министрлігі балабақшаға қабылдау ережесіне өзгерту енгізді.
Министрлік баспасөз қызметінің хабарлауынша, азаматтар балаларын балабақшаға кезекке тұру қызметін”Азаматтарға арналған үкімет” бөлімдері және “Электрондық үкімет” веб-порталы арқылы алуына болады.
- Егер егіз немесе үшем балалардың бірі балабақшаға орын алса, бос орындар болған жағдайда барлық балаларға бір ұйымға бір уақытта жолдама алуға мүмкіндік берілді;
- Балабақшаларға бірінші кезекте қабылдау бойынша жеңілдік санатына педагогтардың және мүгедек баласы бар отбасылардың балалары енгізілді;
- Бос орындарға арнайы санаттағы балалар қабылданғаннан кейін, үш күн өткен соң, орындар кезекте тұрған келесі бірінші 1 000 (бір мың) өтініш берушіге ашылады.
