16 жастағы Асылжан Абдуллаев жасанды интеллектіні қазақша сөйлетті. Бұл туралы Ғылым және жоғары білім министрлігі баспасөз қызметі хабарлады.
Қызылордалық Асылжан Абдуллаев жобасына QazaqGPT деп ат қойды. Оның жобасы америкалық прототиптерге қарағанда ауқымдырақ. Пайдаланып көрген адамдар қатары 2000-нан асады.
“Арнайы қосымшаны наурыз айына дейін іске асырамыз. Себебі серверлер жоғалып кетпейді. Америкада өтетін байқауға өтінім жібердік. Іріктеу сынынан өтіп, жартылай финалға жолдама алдық”, — дейді Асылжан Абдуллаев.
