19 наурызда Алматыда тағы бір адамнан коронавирус табылды. Бұл туралы Қазақстан денсаулық сақтау министрлігі хабарлады.
Министрліктің ресми өкілі Диас Ахметшәріптің айтуынша, бұл 1979 жылғы Ресей азаматы.
“Ол бізге 15 наурызда Мәскеу – Алматы бағыты бойынша ұшып келген. Қазір карантиндік стационарда жатыр. Денсаулығы – орташа” деді Ахметшәріп.
Осылайша Қазақстанда коронавирус жұқтырғандар саны 37-ге жетті. Олардың 19-ы – Алматыда, 18-і Нұр-Сұлтанда емделіп жатыр. Олардың арасында екі бала бар.
19 наурыз түнгі сағат 00.00-ден бастап коронавирусқа байланысты Алматы мен Нұр-Сұлтанда карантин енгізілді. Қалаға кіріп-шығуға шектеу қойылды. 22 наурызда екі қалаға қатынайтын пойыздар мен ішкі рейстер толық тоқтайды. Екі қала толық жабылады.
