Астана қаласының әкімдігі көмір алуға жағдайы жоқ отбасыларға жылыту маусымына 8 айлық есептік көрсеткішке сай 19 240 теңге көлемінде көмек көрсетеді.
Елорданың Жұмыспен қамту, еңбек және әлеуметтік қорғау басқармасы көмір сатып алуға берілетін әлеуметтік көмек жан басына шаққанда табысы ең төмен күнкөріс деңгейінен аспайтын болған жағдайда және басқа тұрғын үйі жоқ, жергiлiктi (пештік) жылытатын жеке тұрғын үйде тұратын, оның жеке меншік иесі (жалға алушысы) немесе жеке меншік иесінің отбасы мүшелері (жалға алушысы) болып табылатын жасы бойынша зейнеткерлерге, мүгедектерге және мүгедек балаларға жүргiзiледi.
Сондай-ақ, қатты отынды сатып алуға өтемақы алуға құқығы бар бiрнеше адам бiр жекеменшiк тұрғын үйде тұрған жағдайда, өтемақы тек қана бiреуiне берiледi.
Әлеуметтік көмек алу үшін өтініш беруші жылыту маусымы кезеңінде (15 қазаннан бастап 30 сәуірге дейін) Астана қаласының Жұмыспен қамту, еңбек және әлеуметтік қорғау басқармасына Достық көшесі, 13 «Нұрсая»-2 ЖК, телефон 55-68-22, 55-68-45, 55-68-34 мекенжайы бойынша өтінішке қоса төмендегi құжаттарды ұсынады:
- жеке басын куәландыратын құжаттың көшірмесі;
- мекенжай анықтамасы;
- осы Қағидаға 3-қосымшаға сәйкес адамның (отбасының) құрамы туралы мәліметтер; 4) Жиынтық табысын есептеу қағидасына сәйкес адамның (отбасы мүшелерінің) табысы туралы мәліметтер;
- зейнеткерлiк куәлiгiнің көшірмесі – зейнеткерлер үшін, мүгедектiгi жөнiндегi анықтамасының көшірмесі – мүгедектер үшін;
- Қазақстан Республикасы Әдiлет министрлiгiнiң аумақтық органы берген жылжымайтын мүлiкке тiркелген құқығының болмауы (болуы) жөнiндегi анықтама.
- банктік шот туралы мәлімет. Құжаттардың түпнұсқалары және көшiрмелерi салыстыру үшін ұсынылады, одан кейін түпнұсқалары өтініш берушіге қайтарылады.
Жадыра Аманбайқызы
