Биыл қаңтар-қазан айлары аралығында Қазақстандағы көлік кәсіпорындарының такси қызметінен түскен табысы 4,7 миллиард теңгені құрады. Бұл 2022 жылдың сәйкес кезеңімен салыстырғанда 20,7%-ға көп.
Ұлттық статистика бюросының хабарлауынша, такси компанияларының табысы Қазақстандағы жолаушылар тасымалының жалпы көлемінің 2,7%-ын қамтыған.
Осы жылдың қаңтар-қазан айлары аралығында 41,6 миллион жолаушы такси қызметін пайдаланған. Бұл 2022 жылдың сәйкес кезеңімен салыстырғанда 3,7%-ке көп.
“Такси тарифтері қарашада өзгеріссіз қалды – олар бір айда небәрі 0,1%-ға өсті. Ал қыркүйекте айтарлықтай өсті (2,6%-ға). Ал бір жыл ішінде таксимен жүру 11,3%-ға қымбаттады, мұны инфляция деңгейімен салыстыруға болады. Жол жүру бағасы 20 өңірдің 18-інде өсті, такси жүргізушілерінің қызмет құнының айтарлықтай өсуі Алматы (+40,5%), Ақтөбе (+22,1%) және Абай (+13,3%) облыстарында байқалды”, – делінген хабарламада.
