13 қаңтарда бас прокуратура цифрлық даму министрлігімен бірігіп stopterrorism.kz веб-сайтын іске қосты.
Сайтқа кез-келген адам Алматыда және өзге де қалаларда өткен жаппай тәртіпсіздік кезіндегі лаңкестік, бұзақылық және тонаушылық әрекеттерді анонимді түрде жүктеп прокурорлар қызметіне септігін тигізе алады.
“Егер қолыңызда Алматы және басқа да қалалардағы оқиғалар орнында түсірілген (телефоныңызға, видеобақылау камерасына, авторегистраторға жазылған) фото, видео немесе аудио материалдар болса, бізге жіберуіңізді сұраймыз”- делінген сайтта.
