Жерлеу қызметтері 25% қымбаттады. Бір жылда жерлеу қызметтерінің көлемі үш есе артты. Ал өлім-жітім саны 27% азайды, деп хабарлайды Kazaknews.kz тілшісі Finprom сайтына сілтеме жасап.
2022 жылы жерлеу қызметінің және оған байланысты іс-шараның көлемі экономиканың бақыланбайтын секторын есепке алмағанда 13,9 млрд теңгені құрады, бұл 2021 жылмен салыстырғанда 2,9 есе артық.
Ескерту: бір жыл бұрын сектордағы қызмет көрсету көлемінің өсімі айтарлықтай 85%-ды құрады.
Бұл ретте 2022 жылы қайтыс болғандар саны 134,7 мың адамды құрады, бұл 2021 жылмен салыстырғанда 26,5% аз.
Еске салайық: бір жыл бұрын қайтыс болғандар саны, керісінше, 2020 жылмен салыстырғанда 12,8% көп болған.
Шамасы, бұл саладағы қызмет көрсету көлемінің өсуі бағаның күрт өсуіне байланысты. Мәселен, биыл наурыз айының қорытындысы бойынша, жерлеу қызметі бір жылда 24,6% қымбаттаған. Салыстыру үшін: өткен жылдың наурызында өсім 9,3%, 2021 жылғы наурызда — 6,1%, 2020 жылғы наурызда — 2,2% болды.
