«Қазақстан» телерадиокорпорациясы Акционерлік қоғамы құрамына кіретін «QAZAQ RADIOLARY» жауапкершілігі шектеулі серіктестігі «Мың алғыс» атты қайырымдылық шарасының аясында 2019 жылдың 11-28 ақпан аралығында өтетін «Қайырымдылықтан қалыс қалма! Алғысқа бөлен!» радио-видеомарафонын бастады.
Осы аралықта «QAZAQ RADIOLARY» серіктестігіне қарасты «SHALQAR», «ASTANA», «CLASSIC» және «QAZAQ RADIOSY» радиоларының эфирлеріне елдің белгілі қоғам қайраткерлері, өнер майталмандары және меценаттар шақырылып, қайырымдылық туралы ойлары мен тілектерін ортаға салады. Қазақ радиосындағы «Заңгер кеңесі», «Денсаулық», «Бірінші байлық», «Бармысың, бауырым?», «Кәсіп-нәсіп» хабарлары осы шара аясында әр сала бойынша арнайы мамандарды студияға шақырып, қайырымдылық тақырыбында пікірлерімен бөліседі.
“Қазақ радиолары” ақпарына сәйкес шараның басты мақсаты – көмекке мұқтаж жандарға қол ұшын беру, қайырымдылық көрсетіп жүрген жомарт жандарды көпке үлгі ету. Сондай-ақ, жұмыла көтерген жүк жеңіл екендігін еске салып, осы игі істің маңызы зор екенін жеткізу.
Дәстүрге айналған қайырымдылық жобасы биыл Қазақстан халқы Ассамблеясымен бірге ұйымдастырылып отыр. Алғашқылардың бірі болып, қайырымдылық шарасына «QAZAQ RADIOLARY» ұжымы бір күндік еңбекақыларын аударды.
2017 жылдан бастап, осы уақытқа дейін аталмыш шара аясында мұқтаж жандарға 56 000 000 теңге қаражат көлемінде көмек көрсетілді.
Биыл да арнайы құрылған қорға жиналған қаражат 1 наурыз күні «Бейбітшілік және келісім сарайында» «Мың алғыс» қайырымдылық концертінде табысталатын болады. Қол ұшын созып, қаржылай қолдау көрсеткісі келетін азаматтарға «Уақып» Қазақстандық қорының» есеп-шоты ашық. «УАҚЫП» Қазақстандық қоры» корпоративтік қайырымдылық қоры»
Заңды мекен-жайы: 010000, Астана қ., Қабанбай батыр даңғ., 28 үй, офис 5,
БСН: 170740000147
ИИК: KZ 136010111000051511 ( KZT)
БИК: HSBKKZKX
ЖСН: 620500086324
Банк: «Қазақстанның Халық Банкі» АҚ
Президент: Азимов Кайрат Муратович
