Оқи отырыңыз: Православтар Шоқыну мерекесін атап өтуде
19 қаңтар күні Христиан дінін ұстанатын Астана халқының православтары таңсәріден шіркеуге жиналды. Әлемнің 145 елінде тойланатын Шоқыну мерекесі Елордада да басталды.
Ұзынсонар кезекте тұрған халықтың алдына шыққан “Григорий әкей” арнайы сөздер оқып қолындағы крестті қазандықтағы суға малып шықты да Христиан жұртын мерекесімен құттықтады. Правословтар өздері “қасиетті су” санайтын үлкен қазандықтағы судан ыдысқа құйып алып жатты.
“Шіркеу қызметкерімін. Өзімді “Григорий әкей” деп атаймын. Шоқыну – православтар мерекесі. Православтарда Исус Христос шамамен 2000 жыл бұрын Иордан өзеніне шомылғаннан кейін өзен суы тазарып, қасиет киесі арта түскен деген сенім бар. Бұл мереке жыл сайын дәстүрлі түрде 2 рет тойланады.18 қаңтар шоқыну, 19-ы мерекенің өзін атап өтеміз. Кеше Есіл өзенінің бойында халық жаппай суға түсті. Бұл күні тек христиандар ғана емес дінге еш қатысы жоқ жандар да денсаулығы жараса шомыла береді. Сондай дәстүр қалыптасқан. 18 қаңтар кешке басталған мереке 19 қаңтар түнде аяқталады”.
Дайындаған:
Сафина АҚТАЙ,
Әбдіманап КЕҢЕС,
19.01.2019. Астана.
