Мемлекет басшысы Президент Әкімшілігінің Басшысы Әділбек Жақсыбеков пен Президент Әкімшілігі Басшысының бірінші орынбасары Марат Тәжинмен кездесті, деп хабарлайды Президенттің баспасөз қызметі.
Кездесу барысында Мемлекет басшысы латын графигіндегі қазақ алфавитінің соңғы нұсқасын талқылаудың белсенді сипатын айта отырып, ұсынылған нұсқаға мемлекеттік қолдаудың қолжетімділігін атап өтті.
«Латын қарпіне негізделген қазақ әліпбиінің ұсынылған жобасын бекіту туралы жарлық шығару қажет. Комиссия өз жұмысын аяқтады. Соңғы нұсқасы жарияланды. Ғалымдар, тілтанушылар, саясаткерлер, жастар, Қазақстан халқы Ассамблеясының өкілдері арасында ортақ пікір бар. Жалпы алғанда, қоғам қолдайды» – деді Қазақстан Президенті.
Сондай-ақ Нұрсұлтан Назарбаев қазақ әліпбиін латын графигіне кезеңді және жүйелі түрде көшірудің маңыздылығына назар аударды.
Кездесу барысында Елбасы мемлекеттік тілді латын әліпбиіне көшірудегі жобаның іске асырылуы бойынша Жұмыс жобасының атқарған қызметі туралы баяндады.
Жадыра Аманбайқызы
