Қазақстан мен Еуропалық Одақ және оған мүше мемлекеттер арасындағы ынтымақтастықтың толық әлеуетін ашу сыртқы саяси ведомство мен Қазақстанда аккредиттелген Еуропалық Одақтың дипломатиялық өкілдіктері тарапынан ерекше назар аударуды талап етеді. Бұл туралы Сыртқы істер министрі Бейбіт Атамқұлов ЕО елшілерімен бүгін Астанада өткен кездесуінде айтты.
Іс-шара барысында қазақстандық-еуропалық өзара әрекеттесу мәселелерінің кең ауқымы, оның ішінде саяси және сауда-экономикалық салалардағы әріптестікті тереңдету перспективалары қаралды.
Сыртқы саясат ведомствосының басшысы өз сөзінде Қазақстан белсенді және тұрақты саяси диалогпен сипатталатын Еуропалық Одақпен қалыптасқан достық қатынастарды бағалайтынын атап өтті. Сонымен қатар, 2018 жылы орын алған жемісті ынтымақтастықтың қорытындысы, атап айтқанда Президент Нұрсұлтан Назарбаевтың 2018 жылдың қазанында Брюссельде өткен Азия-Еуропа Форумының (АСЕМ) 12-ші саммитіне қатысуы және оның шеңберінде Еуропалық Комиссияның Президенті Жан-Клод Юнкер және ЕО елдерінің көшбасшыларымен кездесулері оң бағаланды.
