Президент Нұрсұлтан Назарбаев ҚР сот жүйесіне қатысты конституциялық заңға өзгерістер енгізді. Бұл туралы Ақорданың баспасөз қызметі хабарлайды.
Хабарламады “Мемлекет басшысы сот жүйесін жаңғыртуға бағытталған «Қазақстан Республикасының сот жүйесі мен судьяларының мәртебесі туралы» Қазақстан Республикасының Конституциялық заңына өзгерістер мен толықтырулар енгізу туралы» Қазақстан Республикасының Конституциялық заңына қол қойды”, делінген.
Елбасы сондай-ақ, Мемлекет басшысы сот жүйесін, оның ішінде Қазақстан Республикасының Жоғары Сот Кеңесінің қызметін жаңғыртуға бағытталған «Қазақстан Республикасының кейбір заңнамалық актілеріне сот жүйесін жаңғырту мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды.
