Мемлекет басшысы Қасым-Жомарт Тоқаев АҚШ Президенті Дональд Трампқа атыстан қаза тапқан адамдар үшін көңіл айтты.
“Дональд Трампқа көптеген кінәсіз азаматтардың өмірін қиған қайғылы оқиғаларға байланысты көңіл айту жеделхатын жолдадым: осынау АҚШ үшін қиын сәтте Қазақстан халқы америкалықтардың қайғысын бөліседі. Президент мырза, Сізге қайғыңызға ортақтасып, көңіл айтамын”, – деп жазды Қазақстан Президенті Twitter-дегі парақшасына.
Естеріңізде болса, 3 тамызда Техастағы Эль-Пасо сауда үйінде болған атыстан 19 адам ажал құшып, 22 адам ауруханаға жеткізілген еді.
Ал 4 тамыз күні Американың Дейтон қаласында атыс болып, тоғыз адам қаза тапты.
