Ұлттық аккредиттеу орталығы отандық сапа жүйесінің тарихында өнімді сертификаттау жөніндегі әлеуетті органнан, Халал сертификаттау жөніндегі органның өнімдерін өндіру процесі мен қызметтерінен аккредиттеу жүргізуге алғашқы өтінімді қабылдады, деп хабарлайды Kazaknews.kz.
Бүгінгі таңда бағалау тобы құрылып, оның құрамына Қазақстан мұсылмандары діни басқармасының өкілі кірген. Аккредиттеу туралы заңда, ұлттық стандарттарда және ҰАО рәсімдік құжаттарында белгіленген тәртіпке сәйкес әлеуетті Халал СРО аккредиттеу бойынша жұмыстар басталды.
Бірінші кезекте, қазақстандық Халал өнімдері мен қызметтерінің SMIIC халықаралық стандарттарына сәйкестігіне аккредиттелген сертификаттау Қазақстанда да, сондай – ақ Халал сегментінде адал сертификаттауға сұраныс тұрақты өсіп келе жатқан мемлекетіміздің сауда әріптес елдерінде де сұранысқа ие жаңа бағыт.
Өз кезегінде ұлттық аккредиттеу жүйесі Халал бағыты бойынша бағалау жүргізу үшін қажетті ресурстар мен мүмкіндіктерді көрсетеді.
Осылайша, Қазақстанда бүкіл әлемдегі дамудың перспективалы бағыттарының бірі – Халал сапасының ұлттық жүйесін құру бағытында алғышарттар қалыптасып, нақты қадамдар жүзеге асырылуда. Сондай – ақ, аккредиттелген сертификаттаудың мақсаты-мүдделерді қорғау, тұтынушылардың қауіпсіздігін қамтамасыз ету, ал Халал өнімдеріне қатысты-сенушілердің рухани құндылықтарын сақтау.
