Медициналық жоғары оқу орындарының студенттеріне жыл сайынғы шәкіртақылар 20%-ға дейін ұлғайтылады, деп хабарлайды Kazaknews.kz тілшісі денсаулық сақтау министрлігіне сілтеме жасап.
2023 жылы республикалық бюджеттің есебінен резидентура грантының санын 2500-ге дейін ұлғайту жоспарланған.
“2025 жылға дейін шәкіртақыны жыл сайын 15% және 20%-ға ұлғайту жоспарлануда. Бұл жақсы оқуға қосымша серпін береді және біздің ЖОО-ларға мықты талапкерлерді қосымша тартады”, – дейді ҚР ДСМ ҒАРД директоры Дәулет Алдыңғұров.
Сондай-ақ, оның айтуынша, Денсаулық сақтау министрлігі 2021 жылдан бастап өңірлер өтінімдерінің негізінде резидентурада гранттарды бөлуді енгізді. Бұл денсаулық сақтау жүйесінің кадрлық саясатын сапалы жүргізуге мүмкіндік береді.
