Қазақстандық әншілер Димаш Құдайберген мен Данэлия Тулешова америкалық The World’s Best шоуының финалына өтпеді.
Solo Music аталымында финалға шығу үшін Д.Құдайберген және 12 жастағы Д.Тулешова, сондай-ақ үндістандық пианист Лидиан Надхасварам бақ сынады.
Жеңіске жетуге басты үміткерлердің бірі болған Д.Құдайберген қазылар алқасына байқаудан өз еркімен бас тартатынын хабарлады. Бұл шешімін әнші жас қатысушыларға мүмкіндік бергісі келетіндігімен түсіндірді.
Д.Тулешова Pink есімді әншінің What About Us туындысын орындады. Дегенмен әділ қазылар жеңіске Үндістаннан келген қатысушыны лайық көрді.
Нәтижесінде Лидиан Надхасварам финалдағы екі сайыстан сүрінбей өтіп, The World’s Best шоуының жеңімпазы атанды.
You voted and your favorite act of the entire competition has been chosen. Congrats, #TWBDimash! #WorldsBest pic.twitter.com/Qa6L89dAlj
— The World's Best (@WorldsBestCBS) March 14, 2019
Шоу бойы жалғасқан көрермендердің дауыс беру нәтижесі бойынша Димаш Құдайберген жеңімпаз атанды. Бұл туралы шоудың твиттердегі парақшасында хабарланды. “Сіздер дауыс бердіңіздер, сүйікті фавориттеріңіз анықталды. Құттықтаймыз!”, – деп жазады твиттер парақшасында.
The World’s Best – CBS телеарнасынан көрерменге жол тартатын америкалық шоу, аталған шоуда әлемнің түкпір-түкпірінен түрлі талантты адамдар бақ сынайды. Димаш Құдайбергенге шоуда “алты октавалы адам” деген лақап ат тақса, Данэлия Тулешова “вокал ғажайыбы” деген атқа ие болды.
Safina Said
