Алматыдағы лай көшкінінен қаза тапқан төрт адамның да денесі табылды, деп хабарлайды kazaknews тілшісі ТЖМ баспасөз қызметіне сілтеме жасап.
“Оқиға орнында құтқарушылар 1984 жылы туған ер адамның, 1980 жылы туған әйелдің және 2007 жылы туған екі жас жігіттің денелерін тауып алып шықты”, – делінген хабарламада.
Апат түнгі 02:20 шамасында Медеу ауданына қарасты «Тау-самалы» ықшам ауданында болған. Лай көшкіні екі жеке тұрғын үйді бүлдірген.
