ҚР Тұңғыш Президенті-Н. Назарбаев Алматы облысында “Үшқоңыр” жаңа спорт кешенінің ашылу салтанатына қатысты. Бұл туралы экс-президенттің баспасөз хатшысы Айдос Үкібай Twitter-дегі парақшасында хабарлады.
Назарбаев өңірдің барша тұрғындарын «Үшқоңыр » спорт кешенінің ашылуымен құттықтап, бой көтерген нысанның жастарды тәрбиелеу және дене шынықтыру ісіндегі маңызын атап өтті.
Новый спорткомплекс с высоты птичьего полета pic.twitter.com/XGIxiYRqJn
— Aidos Ukibay (@Aidos_Ukibay) June 20, 2019
“Біз бүгін аудандағы бірегей спорт кешенін аштық. Дені саудың-жаны сау. Қазіргі заманда дені сау адам ғана жетістікке жете алады. Сондықтан біз бұл нысанды жастарымыз үшін арнайы салдық. Сіздерге зор денсаулық, амандық, бақ-береке тілеймін. Баршаңызды тағыда спорт кешенінің ашылуымен құттықтаймын”,-деді Назарбаев.
Жаңадан ашылған спорт кешенінде бокс,күрес және тренажер залдары, жүзу бассейні, теннис корты, көпфуңкционалды залдар басқа да спорт инфрақұрылымдары бар.
