12 қараша күнгі брифингте ІІМ тергеу департаментінің бастығы Санжар Әділов “Гарант 24” және “Estate Ломбард” қаржы пирамидаларына қатысты тергеудің аяқталғанын айтты.
Жалпы қаржы пирамидаларына қатысты істердің тергелуі:
- Осы күнге дейін 25 мыңнан астам тұрғын қаржы пирамидаларына шағымданып, арыз жазған;
- Олардың арызы бойынша шығындар 33 млрд 250 миллион теңгеден асады;
- Алданғандардың көбісі Батыс және Оңтүстік Қазақстанның тұрғындары.
“Гарант 24” және “Estate Ломбард” тергеу ісі бойынша:
- Осы күнге дейін 18 мыңнан астам тұрғын шағымданып, арыз жазған;
- Олардың арызы бойынша шығын 22 миллиард теңгеден асады.
“Гарант 24” және “Estate” ломбардтары үшін 150-дей тергеушілерден тұратын арнайы жедел тергеу тобы құрылды. Тергеу нәтижесі бойынша 56 адам қылмыстық жауапқа тартылды. Оның ішінде 30 адам қамауда, 5 адам халықаралық іздеуде. Күдіктілердің көбі шетелде ұсталды.” – деді Әділов.
Қолға түскен қылмыскерлерден 70 миллион теңге ақшалай және әр түрлі мүліктер тәркіленген:
- 15 жеңіл көлік
- 2 жүк көлігі (самосвал)
- 2 автокран
- 1 қар үсті көлігі
- 29 үйлер мен пәтерлер
- 3 жер учаскесі
- 5 автотұрақ
- 1 дәмхана
Бұлардың жалпы құны шамамен 5 миллиард теңгеден асады. Ендігі тергеу аяқталуына байланысты жәбірленушілер өз мүліктерін соттың шешімі бойынша алады.
