Америкалық ғалымдар Уильям Кэйлин, Грег Семенца және британиялық сэр Питер Рэдклифф медицина саласы бойынша Нобель сыйлығын алды. Олар Нобельді адам жасушасының ауа тапшылығына бейімделуін зерттегені үшін алды. Ғалымдардың бұл жаңалығы онкологиялық ауруларды емдеуге көмектеседі.
Онколог Уильям Кэйлин Джон Хопкинс атындағы университетте (АҚШ), Грег Семенца Гарвард университетінде, Питер Рэдклифф британиялық Оксфорд университетінде жұмыс істейді.
BREAKING NEWS:
The 2019 #NobelPrize in Physiology or Medicine has been awarded jointly to William G. Kaelin Jr, Sir Peter J. Ratcliffe and Gregg L. Semenza “for their discoveries of how cells sense and adapt to oxygen availability.” pic.twitter.com/6m2LJclOoL— The Nobel Prize (@NobelPrize) October 7, 2019
Нобель сыйлығының биылғы жүлдесі 9 миллион швед кронын (900 мың доллар) құрайды. Бұл қаржы үш лауреатқа тең бөлінеді.
Нобель сыйлығын тапсыру Швеция астанасы Стокгольмде медицина саласынан басталады. Осы аптада физика мен химия саласы бойынша Нобель иегерлері анықталады. Ал әдебиет саласы бойынша Нобель иегерлері 10 қазанда жарияланады. Биыл әдебиет бойынша сыйлық екі адамға табысталады. Былтыр жыныстық бопсалау дауынан кейін әдебиет саласы бойынша Нобель сыйлығы берілмеген.
Ал 11 қазанда бейбітшілік саласы бойынша, 14 қазанда экономика бойынша Нобель сыйлығының лауреаттары жарияланады.
Медицина саласы бойынша Нобель сыйлығының иегерін Стокгольмдегі Каролин институты, әдебиет саласы бойынша швед академиясы, физика, химия және экономика саласындағы сыйлықты Швецияның ғылым академиясы анықтайды.
Ал сыйлықты Норвегияның Осло қаласындағы Нобель комитеті табыстайды.
