Дағыстан Республикасының Кизляр қаласының Православ шіркеуі маңында бес әйелдің өмірін жалмап үш адамды ауыр жарақаттаған лаңкестік шабуылды ИШИМ террорлық ұйымы өз мойнына алды. Бұл туралы Еuronews хабарлайды.
22 жасар Халил Халилов Православ шіркеуі маңында шіркеуден шыққан адамдарға аң аулайтын мылтықтан оқ жаудырған.
Шабуыл салдарынан оқиға орнында 4 әйел қаза тауып, тағы үш адам ауыр жарақаттанды. Бір әйел адам ауруханада операция үстінде көз жұмды.
Екі құқық қорғау органдары қызметкерлері лаңкесті ұстау барысында жарақат алды. Қазіргі уақытта террорлық акт бойынша қылмыстық іс қозғалды.
