Ташкент халықаралық әуежайына Түркістаннан алғаш рет 180 жолаушысымен қазақстандық лоукостер FlyArystan ұшағы келіп қонды.
Әуе компаниясының хабарлауынша, Түркістан-Ташкент-Түркістан рейсі бойынша Airbus A320 ұшағы дүйсенбі және бейсенбі күндері қатынайды. Ең арзан билет 35 171 теңге (870 000 сом). Жол ұзақтығы 50 минут.
2 маусым күні Өзбекстан көлік министрлігі Самарқанд пен Алматы, Ташкент пен Түркістан арасында әуе рейсін ашу туралы келіскен.
Наурыз айында қазақстандық SCAT әуе компаниясы Ақтау-Үргенш-Ақтау бағытында тұрақты рейс ашқан болатын.
