Қазақстан Президенті Қасым-Жомарт Тоқаев Ауғанстанда қалыптасқан жағдайға байланысты екінші рет жиын өткізді. Бұл туралы президенттің баспасөз хатшысы Берік Уәли хабарлады.
“Президент құзырлы мекемелерге Ауғанстандағы жағдайды жан-жақты бақылауда ұстауды тапсырды. Бұл осы елмен бұдан былайғы ынтымақтастық бойынша шешім қабылдау үшін аса маңызды.” – делінген хабарламада.
Айта кетейік, 15 тамыз күні Талибан* қозғалысының жақтаушылары елді толық бақылауға алғанын және Ауғанстандағы соғыстың аяқталғанын жариялады. Бір күн бұрын содырлар Кабулды қан төгіссіз алды. Президент Ашраф Гани отставкаға және шетелге кетуге мәжбүр болды.
Ал, билік толықтай Талибан қозғалысының жақтаушыларына өтуіне байланысты көптеген халық жаппай әуежайға асығып, елден қашып жатыр.
Тысячи афганцев бегут к терминалу международного аэропорта #Kaboul. Мы слышим выстрелы талибов.#Afghanistan https://t.co/0JqF6Ib025
— Искандер13 (@13iskander131) August 16, 2021
Perhaps one of the saddest images we have seen so far from #Afghanistan. pic.twitter.com/R8GxXoQ3Fg
— Shivangi Thakur (@thakur_shivangi) August 16, 2021
Талибан жақтаушылары мұнымен шектелмей түрмелердегі мыңдаған сотталушыларды босатып жіберген. Олардың басым көпшілігі Талибан жақтаушылары.
Талибан* – 1990 жылдардың екінші жартысында пайда болған діни-саяси радикалды қозғалыс. БҰҰ террористік ұйым деп таныған.
