Қытайдың Sinopharm вакцинасы Нұр-Сұлтанға жеткізілді

0
100
photo: gazeta.ru

Қытайдың Sinopharm компаниясының вакцинасы Нұр-Сұлтанға жеткізілді. Вакцина қалалық емханаларына, сол сияқты оларға бекітілген сауда ойын-сауық орталықтары (СОО) мен сауда үйлеріне (СҮ) бөлінетін болады. Бұл туралы Нұр-Сұлтан қаласы әкімдігінің баспасөз қызметі хабарлады.

«ДДСҰ мақұлдаған екпелер вакцинация пункттеріне жеткізілгеннен кейін қолданысқа енгізіледі. Бірінші кезекте вакциналар медициналық ұйымдарға қарасты егу пункттеріне жеткізіледі. Олар вакцинаны алғаннан кейін бір тәулік ішінде сауда орталықтарының егу пункттеріне жеткізеді», – деді басқарма басшысының орынбасары Әлия Рүстемова.

Қалалық Денсаулық сақтау басқармасы проблемалы жайттарды болдырмас үшін екі компонентті бір пунктен алу керектігін хабарлайды.

«Біз қала тұрғындарынан вакцинаның екі компонентін де бір пунктен алуды сұраймыз. Яғни бірінші дозаны емханадан немесе сауда орталығынан алсаңыз, екіншісін де аралық уақытты сақтай отырып, сол орыннан алуды ұсынамыз», – деп атап өтті қалалық Денсаулық сақтау басқармасында.

Қазіргі уақытта елордада вакцинаның үш түрі бар – ресейлік «Спутник», қазақстандық QazVac вакцинасы және жақында келіп түскен Sinopharm.

ЖАУАП ҚАЛДЫРУ

Пікіріңізді енгізіңіз!
Мұнда аты-жөніңізді енгізіңіз