Қазақстан президенті Қасым-Жомарт Тоқаев Омбыда өткен форумда Ресейде Назарбаев мектебінің филиалын ашуды ұсынды.
Тоқаев ғылым саласындағы ынтымақтастықтың болашағы жарқын екеніне сенім білдірген.
“Әсіресе, фундаменталды ғылымдағы серіктестікті нығайту керек. Қазақстанның астанасында Бауман атындағы университет базасында физика-математикалық мектеп ашу бастамасын қолдаймыз. Сонымен бірге, Ресейдің шекаралас өңірлерінің біріне Назарбаев Зияткерлік мектебінің филиалын ашуға да болады. Ол мектепте білім беру деңгейі өте жоғары әрі жетекші елдердің стандарттарына сай келеді”, – деді ол.
