“Ұлттық тестілеу орталығының” директоры 3,5 жылға сотталды

0
127
Рамазан Әлімқұлов.

“Ұлттық тестілеу орталығының” директоры Рамазан Әлімқұлов пара алғаны үшін сотталды. Бұл туралы ҚР Сыбайлас жемқорлыққа қарсы іс-қимыл агенттігінің баспасөз қызметі хабарлады.

ҚР Сыбайлас жемқорлыққа қарсы қызметімен “Ұлттық тестілеу орталығының” директоры Рамазан Әлімқұловқа қатысты жүргізілген сотқа дейінгі тергеу аяқталды.

Экс-директор қонақ үй қызметін көрсету бойынша шарттарды бұзбағаны, орындалған жұмыс актілеріне кедергісіз қол қойғаны, жүгенсіздікке жол бергені және жалпы қамқорлығы үшін 5 миллион теңге сомасында пара алды деген күдікке іліккен.

22 қарашада Нұр-Сұлтан қаласының қылмыстық істер жөніндегі мамандандырылған ауданаралық сотында Әлімқұловтың кінәсі дәлелденді. Судья 3,5 жылға бас бостандығынан айыру туралы үкім шығарды.

Сондай-ақ, ол мемлекеттік қызметте лауазым иелену құқығынан өмір бойына айырылды.

Еске сала кетсек, мамыр айында «Ұлттық тестілеу орталығының» бұрынғы және қазіргі директорлары сыбайлас жемқорлық күдігіне ілінген болатын.

ЖАУАП ҚАЛДЫРУ

Пікіріңізді енгізіңіз!
Мұнда аты-жөніңізді енгізіңіз