23 тамыз күні Беларусь президенді Александр Лукашенко қолына автомат ұстап Минскідегі резиденциясына тікұшақпен келді.
Минскіде және басқа да қалаларда жалпыұлтық наразылық акциялары жалғасып жатыр. Көшеге жүз мыңға жуық адам шығып, Лукашенконың кетуін талап етті. Әскерилер тәуелсіздік сарайына кірер жолды қоршаған.
Сондай-ақ, желіде Минскті айналып шыққан белорус лидерінің тікұшағы көрсетілген видео тарады. “Жақында, даңғылға жақында! Солға, солға!”, – деп бұйрық берді Лукашенко.
Мемлекет басшысы брондалған жилет киіп, Калашников асынып, резиденцияны күзеткен күш құрылымдарына алғыс айтты.
