Microsoft компаниясының негізін қалаушы, әлемдегі ең бай адамдардың бірі Билл Гейтстің әкесі Уильям Гейтс 94 жасында өмірден озды. Бұл туралы Билл Гейтс әлеуметтік желідегі парағында жазды.
“Кеше әкеміз отбасының, бала-шағасының арасында бақиға аттанып кете барды. Әкемізді қазіргі қайғымыздан да қатты сағынатын боламыз. 94 жастағы әкемнің өлімі аяқ асты емес еді. Ол кісінің денсаулығы күн сайын төмендей берді. Арамызда осы уақытқа дейін керемет жанның болғаны біз үшін қандай бақыт екенін түсіне алдық”, – деді Билл Гейтс жазбасында.
New York Times басылымының хабарлауынша, Уильям Гейтс альцгеймер ауруынан көз жұмған.
